A comunidade creadora da danza e as artes vivas en Galicia leva anos destacando pola súa capacidade de dinamizar contextos culturais. Non son poucas as compañías, colectivos artísticos e profesionais (coreógrafas, bailarinas, investigadoras…) que deciden poñer en marcha proxectos culturais como festivais, residencias, ou ciclos de programación, entre outras iniciativas, que se estenden polo noso territorio. Asumindo a conciliación da súa práctica artística con este outro traballo de xestión e mediación. Cales son os motivos que levan a artistas e creadoras a asumir estas tarefas? Que dificultades atopan? Que aprendemos –a nivel persoal e colectivo– destas experiencias e cara onde podemos avanzar?